Малдини ги именуваше тројцата најдобри играчи кои ги видел во животот: Немав можност да играм против Меси….

Паоло Малдини бележи значителни резултати и како спортски директор на Милан, но оваа рана фаза во новата улога дефинитивно не може да се спореди со она што го направи на фудбалскиот терен.

Според сите фудбалски аналитичари, Малдини е еден од најдобрите дефанзивци на сите времиња, па токму поради тоа, неговата последна изјава предизвикува посебно внимание во јавноста.

Легендарниот стопер на Милан вчера се израдува на големата победа која ја оствари Милан над Наполи во Лигата на шампионите, но истовремено доста популарна стана една негова изјава дадена за „ДАЗН“.

Малдини ги набројал тројцата најдобри играчи против кои играл во кариерата, но потоа се поправил и ги посочил тројцата најдобри кои ги видел во својот живот.

– Марадона, Роналдо Бразилецот и Платини се најдобрите играчи против кого имам играно во кариерата. Немав можност да играм со Меси во кариерата и тоа беше моја среќа. Според мене, Марадона, Р9 и Меси се најдобрите играчи кои сум ги видел во животот, – потенцира Малдини.