Макс во елемент: Ферстапен брутално ги истрола Британците по вонсериската трка во Бразил (Видео)

Макс Ферстапен направи неверојатен пресврт на Интерлагос и успеа да победи на трка на која стартуваше 17-ти, а со оглед на тоа што Ландо Норис заврши шести, полека почнаа да згаснуваат надежите и кај најоптимистичките британски медиуми.

Ферстапен се чини дека вчера зададе дефинитивен удар во битката за титулата и сега има 62 бода повеќе од Норис на три трки пред крајот, но неверојатното шоу кое го понуди на патеката го продолжил и во прес-центарот.

Макс беше исполнет со емоции по брилијантната трка која ја извозе и на големо ја славеше својата прва победа во Формула 1 по десет трки, но големиот Ф1 шампион не пропуштил шанса да ги истрола и верните симпатизери на Ландо.

Возачот на Ред Бул не пропушти да евидентира дека на пресот нема ниту еден претставник од британските медиуми, па прашањето кое го постави стана вирален хит и истото беше одобрено од Пјер Гасли.

– Имам едно брзо прашање…… Го почитувам тоа што сте тука, но каде се британските новинари? Дали истрчаа веднаш до аеродромот, или пак не знаат каде е прес-конференцијата?, – праша Ферстапен.

Max: "I have a quick question, I appreciate you all being here but where is the British press? Do they have to run to the airport? Or do they not know where the press conference is?"

THE ENTIRE ROOM LAUGHING AFTERWARDS 😭😭😭pic.twitter.com/R4Cx98zoEI

— Verstappen News (@verstappenews) November 3, 2024