Поврзете се со нас

Автомобили

Макпетрол со нова ивенстиција од сто милиони денари за бензиската станица во Визбегово

Објавено

на

Компанијата „Макпетрол“ АД информираше дека во согласност со својата политика за подобрување и осовременување на својата мрежа на производствени и услужни објекти, извршила целосна реконструкција на постојната бензиска станица во Визбегово, на излезот од градот Скопје, на патниот правец кон Косово.

Со ова, компанијата компанијата го продолжи инвестицискиот циклус согласно потребите на потрошувачите.

– Станицата сега доби современ и функционален изглед, притоа задоволувајќи ги највисоките пропишани технички и безбедносни нормативи. Достапност кон квалитетните производи и услуги потрошувачите имаат во текот на 24 часа, секој ден во неделата. Вкупната инвестиција за реконструкција на оваа бензинска станица изнесува над 100 милиони денари. На бензинската станица се поставени мултиплекс апарати со капацитет за истовремено точење на горива во осум возила. Достапни се квалитетните горива од фамилијата ULTRA на „Макпетрол“ – Ultra 95+ Economy, Ultra 100 Race Pro, Ultra Diesel Green Power, Ultra Diesel Bio Power и Ultra LPG plus. Исто така, во продажниот објект на бензинската станица на потрошувачите им стои на располагање широк избор на производи од дополнителниот асортиман.

Во своето речиси 75 години „Макпетрол“ АД се стреми кон постојан напредок и воведување новитети во своето работење, знаејќи дека својот успех го должи на довербата и лојалноста на клиентите и на пошироката заедница. Низ сите овие години компанијата со особено внимание се труди да ги задоволи потребите на своите потрошувачи и да им овозможи квалитетно, сигурно и економично снабдување со нафтени деривати, гас и био горива.

Затоа, како најголем дистрибутер на горива во државата, „Макпетрол“ АД постојано инвестира во обнова на своите капацитети, како и во изградба на нови, со цел подобрување и осовременување на својата мрежа на производствени и услужни објекти.

– Оваа современа бензинска станица ја покажува определбата на компанијата која преку инвестирањето во своите нови и постоечки капацитети е секогаш во чекор со светските трендови и новитети во нафтениот бизнис со цел сервисирање на современите потреби на потрошувачите. Горди сме што можеме да кажеме дека „Макпетрол“ преку своите производи и услуги е симбол на бескомпромисен квалитет. Оваа заложба на компанијата е препознаена и наградена од нашите верни корисници што ни претставува особен поттик за нашата понатамошна успешна работа,- се вели во соопштението.

 

 

Реклама
Реклама
Реклама

Популарни