„Макпетрол“: Намалени цените на природниот гас и на метанот за мај

Корисниците на природен гас ќе добијат пониска цена во мај, поради што компанијата „Макпетрол“ издаде свое соопштение за медиумите.

– Согласно договорот помеѓу „Макпетрол“ АД Скопје и „Гаспром експорт“, како и движењето на цената на  природниот гас на светските берзи, „Макпетрол“ АД Скопје ги известува своите потрошувачи и пошироката јавност дека цената на природниот гас за месец мај ќе се намали за 0,85% за мегават час, во однос на цената за месец април ова година,- се вели во соопштението.

Ова не е единствената добра вест. Истовремено од „Макпетрол“ информираа и за намалената цена на метанот.

– Воедно, сакаме да информираме дека малопродажната цената на погонското гориво за моторни возила, Метан (CNG), кој се продава на бензинските станици на „Макпетрол“ се намалува за 2,9% односно, за 2 денари за килограм (1,42 ден/лит) во однос на цената од минатиот месец која изнесуваше 69 денари за килограм, односно новата цена ќе биде 67 денари за килограм или 47.44 денари за литар.