Макелеле се збогуваше со фановите на Челси: Време е за нов предизвик

Челси има многу проблеми поради неубедливите резултати во новата сезона, а во иднина стручниот тим на премиерлигашот ќе биде ослабен и поради заминувањето на Клод Макелеле.

Легендарниот фудбалер на „сините“ денеска објави дека тој и Челси се договориле за крај на соработката, со што ќе се фокусира на нови предизвици.

– По 4 години, Челси и јас заеднички се договоривме дека е време да побарам нов, свеж предизвик.

– Би сакал да им заблагодарам на фановите, сината секогаш ќе биде бојата на моето срце. Ќе споделам повеќе информации штом започнам со новото поглавје,  – напиша Макелеле на социјалните мрежи.

Макелеле има 217 настапи во дресот на Челси, а во 2019 година се врати во клубот во улога на технички координатор следејќи ги членовите на младинската академија и играчите кои играат на заем.

After 4 fulfilling years, @chelseafc & I decided, by mutual consent, that it‘s time for me to seek a fresh, new challenge. I do want to thank the fans for their affection. Blue will always be the color of my heart; I’ll share more once I’ve set my mind on the next chapter 💙 pic.twitter.com/FLt446Kr27

— Claude Makélélé (@ClaudeMakelele) September 28, 2023