Македонско знаме и овации во Нови Сад, Алкалоид го доби пехарот! (ВИДЕО)

Претседателот на Европската шаховска унија, Зураб Азмајпарашвили, му го врачи пехарот за првото место на Алкалоид во најсилното шаховско натпреварување на Стариот континент.

Македонскиот првак засилен со Кинезите Лирен Динг и Јангји Ју, Русите Дмитри Андрејкин и Серхеј Јаковленко, како и Украинците Павел Елјанов и Јуриј Криворучко, славеше со 5 победи и 2 нерешени меча кои му донесоа 12 бода од можните 14.

На свеченото доделување на медалите, освен тимската награда Павел Елјанов и Јангји Ју добија бронзени медали за постигнувањата на трета и четврта табла. Шахистите на Алкалоид на свечената церемонија излегоа со македонското знаме и добија отворени овации за настапот во Нови Сад кој им ја донесе европската круна.