Македонско шоу: Крстовски ја предизвика Нафта, Георгиевски одговори со спектакуларен гол (Видео)

Натпреварот меѓу Нафта и Домжале донесе седум погодоци (5:2) и интересно соочување во кое важна ролја имаа македонските интернационалци Марио Крстовски и Христијан Георгиевски.

Домжале поведе во 2. минута со одличен волеј на Крстовски, кој успеа да реализира по очигледно воиграна акција од корнер, а погодокот на Македонецот беше најава за уште повозбудливо продолжение.

Гостите со автогол го зголемија водството, но Нафта израмни до крајот на полувремето. Најпрвин Калноки-Кис намали, а Георгиевски со убав погодок донесе израмнување пред крајот на полувремето.

Но, тоа не беше последниот збор на Македонецот во редовите на Нафта, бидејќи само што започна вториот дел, Георгиевски постигна спектакуларен гол, односно погоди од слободен удар речиси од половина терен, користејќи ја лошата позиција на противничкиот голман.

Тоа водство донесе еуфорија кај домашните фанови, а значеше и почеток на серијата во која Нафта постигна уште два гола за конечни 5:2.