Македонските ракометни јуниори ја преслушаа и Романија

Македонската машка јуниорска ракометна репрезентација забележа уште една победа во разигрувањето за што подобра позиција на ЕП во Словенија.

Нашите надежи денеска остварија уште еден триумф во втората фаза, овојпат против Романија (31:26) и се на добар пат да бидат меѓу најдобрите селекции во разигрувањето од 9 до 16. место.

Галевски и Брестовац повторно беа одлични на голот, нивните колеги од националниот тим соодветно расположени во играта во одбрана и напад, а Македонија ја направи одлучувачката разлика на стартот на вториот дел и до крајот не дозволи поголема опасност од противникот.

Галевски имаше 8, а Брестовац 7 одбрани на денешниот дуел, додека во нападот најефикасен беше Узунчев со 6 погодоци и со само едно промашување на денешниот дуел.

Македонија има две победи во два настапи во оваа фаза, а утре ќе го има најсериозниот испит против селекцијата на Франција.