Македонските ракометарки немаа решение за амбициозната Шведска

Македонската женска ракометна репрезентација загуби (18:28) на премиерата на Европското првенство, во која противник ни беше фаворизираната селекција на Шведска.

Избраничките на селекторот Кристијан Грчевски ги имаа првите три водства, но од 3:2, Шведска набрзина стигна до 6:3, а потоа без поголеми проблеми стигна до посакуваниот резултат.

На полувреме Швеѓанките имаа резултат 15:7, а серијата беше надополнета на почетокот на второто полувреме, кога беше направена и двоцифрена предност, доволна за сигурна победа.

Во завршницата Македонија постигна повеќе голови за да го подобри впечатокот, но не можеше ништо повеќе против скандинавскиот ривал во Дебрецен.

Јанкуловска, Ристовска, Младеновска и Кипријановска беа најдобри реализатори со по 3 гола во мрежата на Шведска, додека во победничката селекција издоминира Хагман со 9 погодоци.

Во истата група, Унгарија денеска славеше против Турција со 30:24.