Македонскиот првак надигран од Фуксе Берлин, Пелистер ги загуби шансите за осминафинале во ЛШ

Актуелниот македонски шампион Еурофарм Пелистер претрпе пораз од Фуксе Берлин од 39:29 во натпреварот од 13. коло од групната фаза на Лигата на шампионите.

Бундеслигашот важеше за апсолутен фаворит на ова соочување на кое му беа потребни бод/бодови на Пелистер за да останат во игра за место во нокаут фазата, но домаќинот не дозволи никакво изненадување и забележа сигурен триумф од десет разлика.

„Лисиците“ уште во раната фаза дојдоа до предност од 7-1, но избраниците на Алонсо се вратија од полувреме и на пауза имаат „само“ минус три (15:12). „Зелено-белите“ се држеа до 20-18 за да потоа бундеслигашот одново се одлепи и отиде на 24:18, предност која продолжи да расте до крајот на натпреварот.

Кузмановски беше прв стрелец со седум погодоци кај битолчани. Во последното коло Пелистер ќе се соочи со ПСЖ.