Македонскиот двоец од Динамо надвор од стројот – тренерот на хрватскиот шампион се огласи

Динамо по големата победа од 3:0 против Карабах во плеј-офот од Лигата на шампионите, оваа сабота од 20:30 часот ќе игра против Горица на Максимир. Сините се први во ХНЛ и досега имаат 100% учинок оваа сезона. Тренерот на Динамо, Сергеј Јакировиќ одржа прес-конференција пред натпреварот со Горица.

„Ситуацијата во тимот е добра. Ги немаме Перковиќ и Периќ, а овој натпревар ќе го прескокнат и Адеми и Ристовски со надеж дека ќе ни подадат рака во среда. Нема да комплицираме ништо, а сите останати се достапни.

Сигурно ќе ротираме неколку позиции и ќе покажеме доверба во другите играчи, овие момци тренираат добро, немаме страв дека нема да биде во ред. Мораме да им дадеме минути и да покажеме дека веруваме во нив. Ќе имаме млади играчи на клупата, а се ќе утврдиме денеска после тренинг, кога ќе видиме кој е свеж“, изјави тренерот на Динамо.