Поврзете се со нас

ВТА

Македонката ќе се бори за титула: Ѓорческа за час до финалето во Талин

Објавено

на

Најдобрата македонска тенисерка, Лина Ѓорческа обезбеди пласман во големото финале на првиот турнир на кој настапува во оваа година-тоа е фјучерсот во Талин (Естонија).

Ѓорческа славеше над Зејнеп Сомнез од Турција со 2-0 во сетови и тоа по еден час игра на теренот број два. Како трета носителка Лина двата сета ги реализираше со резултат 6-3 и 6-2 и тоа во дуел во кој забележа 6 аса и освои 14 поени повеќе од Турчинката (60/46).

На тетовката и останува само уште една пречка до првиот пехар во 2023 година, а за тоа да се случи ќе мора да слави над 33-годишната Јанина Викмајер, тенисерка која своевремено беше на 12 место на ВТА листата (2010 година).

Сега таа е 322 на светот со што е далеку подобро пласирана од Ѓорческа која ја држи 170 позиција.

Фјучерсот во Талин се игра на тврда подлога за вредност од 40.000 американски долари.

Реклама
Реклама
Реклама

Популарни