Македонија забележа минимален пад на најновата ФИФА листа

Македонија доживеа два непријатни порази во месец септември во Лигата на нации, но сепак неповолните резултати против Грузија и Бугарија резултираа со минимален пад на ФИФА листата.

Најновото рангирање на Светската фудбалска Федерација ја сместува Македонија на 65-то место, што значи пад од само една позиција во споредба со минатиот месец.

Македонија има 1082 поени и останува во сигурната зона во која е веќе подолго време, со тоа што двата неуспеси во сепмтеврискиот циклус направија да загубиме 16,69 рејтинг поени.

Веднаш зад Македонија се Албанија, Јужна Африка, Ирак и Црна Гора, додека чекор пред нас се Јамајка, Словенија и Исланд.

На врвот нема големи промени, па така топ 10 листата почнува со Бразил, белгија, Аргентина, Франција и Англија, а завршува со Италија, Шпанија, Холандија, Португалија и Данска.