Македонија во Перм ќе води битки за ЕП

Македонската кошаркарска федерација поради позитивни случаи на КОВИД-19 не настапи на ноемврскиот „балон“ во Талин во рамките на квалификациите за Европското првенство, но додека се чекаат нови информации, термини за одложените средби против Италија и Естонија од ФИБА стигна веста каде ќе се игра вториот квалификациски турнир од „Б“ групата.

Тоа ќе биде Русија поточно Арената „Молотов“ во Перм каде во периодот од 19. до 21. февруари ќе се одиграат средбите Македонија-Русија, Италија-Естонија, Македонија–Италија и Русија-Естонија.

Останува да видиме и дали одложените ноемврски дуели ќе се играат во Перм за што има големи шанси, ама за тоа треба да се определат термини.