Македонија (У17) го почна квалификацискиот турнир со реми против домаќинот Шкотска

Македонската фудбалска репрезентација за играчи до 17 години, денеска го започна настапот во квалификациите за Европското првенство и тоа на турнир на кој домаќин е Шкотска.

Токму шкотските таленти им беа први ривали на избраниците на селекторот Димитар Капинковски, а Македонија на крајот стигна до реми (2:2) и прв бод во оваа група.

Во 40. минута, Кристијан Маркоски го отвори резултатот и Македонија имаше водство на полувреме, но шкотската селекција успеа да направи целосен пресврт во вториот дел.

Бојд и Хогарт со по еден гол донесоа предност за Шкотска, се додека Лорент Жаку во 83. минута не погоди за израмнување и конечни 2:2.

Следен противник на турнирот ни е Лихтенштајн, а во последното коло се среќаваме со Романија, која денеска стигна до победа од 10:0.