Македонија со офанзивен состав до посакувана заверка на првото место во групата

Македонската фудбалска репрезентација вечерва ја има фаворитската улога на дуелот со Летонија од Лигата на нации, а селекторот Благоја Милевски го објави почетниот состав за дуелот во Скопје.

На голот очекувано е Димитриевски, пред него стоперите Серафимов и Зајков, додека на бековските позиции се Димоски и Алиоски.

Барди и Алими се во средниот ред заедно со Елмас и Чурлинов, додека Трајковски и Миовски се последните двајца во составот и играчи кои ќе бидат најофанзивни против Летонците.

Македонија досега има три победи и реми и е на врвот на групата во Лигата на нации, а победа против Летонија ќе биде потврда за првото место до крајот на групната фаза.

Натпреварот започнува во 20:45 часот.