Македонија против еден сосед и против два добро познати ривали во Лигата на нации

УЕФА денеска ја извлече ждрепката за третото издание на Лигата на нации, натпреварување преку кое го обезбедивме првото историско учество на едно Европско првенство.

Македонија како селекција го чекаше ривалот од вториот шешир, а може слободно да се каже дека извлекувањето беше поволно за нас во Лигата Ц од Лигата на нации.

Избраниците на Благоја Милевски го добија соседот Бугарија од првиот шешир, додека силите ќе ги одмерат и со добро познат ривал, односно со репрезентацијата која ја победивме во финалето во Лигата на нации за влез на Европското првенство.

Грузијците повторно ќе бидат наши противници во ова европско натпреварување, додека последна селекција е Гибралтар против кого исто така игравме во групната фаза во првото издание на Лигата на нации.

Натпреварите од Лигата на нациите ќе се играат во термините во јуни следната година и во септември наредната година.