Македонија пресилна за Алжир, остварена првата победа на СП

Македонската ракометна репрезентација ја оствари првата победа на актуелното Светско првенство, тргнувајќи со позитивен резултат во „Президент купот“.

Македонија разигрува за подобра позиција на ракометниот мундијал, а денеска е совладан Алжир со убедливи 40:25, со што нашите репрезентативци ја оправдаа улогата на фаворити на оваа средба.

Нашата селекција уште на почетокот стигна до солидна предност и на полувреме имаше резултат 19:11, за во продолжение таа предност постојано да расте.

На нецели десет минути до крајот стигнавме до плус петнаесет, алжирскиот селектор побара тајм-аут, но и тоа не ја спаси африканската селекција од пораз со резултат 40:25.

Најефикасни во нашата репрезентација беа Пешевски и Манасков со 7 гола, по 4 постигнаа Савревски, Стојковиќ, Ѓорѓиев и Костески. Во алжирскиот состав Дауд постигна 5 погодоци.

Следен противник на Македонија во оваа фаза е селекцијата на Тунис и тоа во сабота.