Карате
Македонија освои три медали на Светскиот куп во Самсун
Македонската машка репрезентација денеска на Светскиот куп на боречки спортови, кој се одржува во Самсун, Турција успеа да го освои сребрениот медал. Тимот загуби од репрезентацијата на Јордан во финалната борба со резултат 1-3 и со тоа станаа светски вице шампиони.
Машката екипа беше во состав Петар Спасеновски, Давид Петков, Димитар Илиевски, Глигор Петков и Петар Заборски, додека женскиот тим беше составен од Ангела Мојсовска, Викторија Јовановска , Марија Петровска и Моника Пендаровска. Девојките исто така загубија во финалето со 0:2 од репрезентацијата на Хрватска и се закитија со сребрениот медал.
Во поединечна конкуренција, бронзен медал освои Давид Петков во категорија до 67 килограми, бидејќи македонскиот претставник го победи Украинецот Давид Јановски со 1:0.
Ангела Мојсовска во категоријата до 68 килограми, Викторија Јовановска -61 кг и Марија Петровска -55 кг завршија како петтопласирани во своите тежински категории, откако сите загубија во борбите за бронзени медали.
– Задоволни и горди сме од постигнатиот спортски резултат. Успеавме да освоиме две сребрени и една бронзена медала и секако три високи пласмани на петтото место. Тоа е доказ дека ние имавме одличен настап и на ова големо натпреварување од страна на сите наши избраници. Ова е селекција веќе е докажана како многу квалитетна и продолжува да не радува со постигнување на големи спортски резултати. Со малку среќа, ние можевме да имаме и двоен број на медали. Тоа значи дека го поседуваме квалитетот на високо технички дотерани и подготвени врвни натпреварувачи и сега само треба да го чекаме моментот кога секој од нив ќе биде медалист на некое следно првенство.
– Сакам да истакнам дека оваа генерација на каратисти во машка конкуренција се издвојуваат како најуспешна студентска генерација, бидејќи тие се единствени кои успеале да бидат три пати финалисти во дисциплината екипно борби. Два пати успеваат на Eвропските Универзијади првично во Загреб, каде што успеаја да го освојат најнапред европскиот сребрен и по две години и златен медал на следните универзитетски игри во Лоѓ, а сега еве успеваат да станат и сребрени медалисти на еден светски натпревар во карате спортот, – изјави тренерот Бошко Заборски.
-
НБАпред 23 часа
НБА отвори истрага против браќата на Јокиќ, податоци собира и американската полиција (Видео)
-
Англијапред 21 час
Покетино по историскиот потоп од Арсенал: Не е фер да се употреби тој термин за моите играчи
-
Англијапред 14 часа
Роси има интересен предлог за тренер на Јунајтед: Тој е легенда и помогна да се изгради нивната култура
-
Италијапред 13 часа
Капело ги критикуваше клучните играчи на Милан и испрати совет до управата на клубот
-
АТПпред 20 часа
Надал: Рафа има шанса на Ролан Гарос само ако се повредат Ѓоковиќ, Алкарас и Синер
-
Англијапред 24 часа
Млад фан на Челси ги посрамоти ѕвездите на Покетино со пораката на „Емирејтс“ (Фото)
-
Англијапред 17 часа
Артета му испрати порака на Покетино по историската победа над Челси
-
НБАпред 19 часа
Дончиќ ги уништи Клиперси со својата најслаба точка, па ги „поздрави“ хејтерите (Видео)