Македонија остана на иста позиција на најновата ФИФА листа

Македонската фудбалска репрезентација одигра два натпревари во месец септември, но ремито со Фарски Острови и победата над Ерменија за жал не донесоа скок на ФИФА листата.

Според најновиот ранкинг на светската фудбалска асоцијација, Македонија не забележа ниту скок, ниту пад на листата, па така нашиот најсилен национален колектив останува на 72-то место.

Од остварените резултатит овој месец, Македонија придодаде 2,55 ФИФА поени, но сепак тоа не беше доволно за да се направи мал напредок, иако тоа се очекуваше по победата над Ерменија.

Во наше друштво е Исланд кој со четири поени повеќе е на 71-та позиција, додека Македонија има 12 бода повеќе од Севрена Ирска која е 73-та.

Промени нема ни на самиот врв, па така Аргентина останува прва на ФИФА листата, а потоа следат Франција, Шпанија, Англија, Бразил, Белгија, Холандија, Португалија, Колумбија и Италија.