Македонија не најде решение за Полска и ќе чека следна шанса за пласман на СП

Македонската женска ракометна репрезентација и вторпат загуби (21:23) во бараж двомечот со Полска и повторно остана пласман на едно светско првенство.

По поразот со четири голови негатива на првиот натпревар, нашите најдобри ракометарки беа домаќини во Битола, а домашната публика и одличната атмосфера не беше доволна за подвиг против квалитетниот ривал.

Првото полувреме донесе израмнета игра и резултат 10:10 пред паузата, а во продолжението гостинската селекција најчесто имаше предност од еден или два гола и не дозволи ситуација во која Македонија би ја неутрализирала негативата од првиот натпревар.

Во завршницата Полска обезбеди и втора победа со конечни 21:23 и си обезбеди место на мундијалот, додека нашите девојки ќе чекаат следна шанса за конечно да се вратат меѓу учесниците на светските првенства.

Дамјаноска со 5 и Младеновска со 4 голови беа најефикасни во составот на селекторот Грчевски, додека на спротивната страна, Балсам стигна до 7 погодоци.