Македонија напредуваше две места на најновата ФИФА ранг листа

Македонската фудбалска репрезентација имаше добри настапи во изминатиов период и со тоа си овозможи напредок на најновата ранг листа која ја објави Светската фудбалска федерација (ФИФА).

Нашиот национален тим остана непоразен во пресметката со големата Италија, потоа го оправда фаворитскиот статус против Малта, а ова придонесе да скокнеме две позиции на рангирањето. Сега сме 66. фудбалска сила или поточно сме меѓу Јужна Африка и Исланд.

Кога се во прашање нашите ривали од групата за пласман на ЕП, Англија стои најдобра и е на 4. место, Италија е 9-та, Украина со која ќе се соочиме во октомври ја зазема 24 позиција, додека Малта е 171 на планетава.

Водечка пак е Аргентина, потоа следи Франција и Бразил кој ја заокружува најдобрата светска тројка.