Македонија извлече реми во Солун со гол во последниот напад

Македонија денеска го одигра првиот од двата планирани тест натпревари против селекцијата на Грција, а воведната пресметка донесе доста интересни моменти и инфаркт завршница.

Избраниците на Кирил Лазаров беа далеку подобри во првиот дел и го контролираа водството во текот на сите 30 минути, па иако во еден момент водеа и со плус пет, на пауза заминаа со плус три (12:15).

Македонија ја одржуваше оваа позитива и по десет минути игра во вториот дел, но Грците имаат подобро затворање во завршните 20 минути и на крајот беа поблиску до победата.

Домашната селекција направи пресврт и со мала помош на судиите првпат поведе со 25:23, па со 29:28 се влезе и во последниот напад во кој Костески спречи славје на Грците.

Македонското крило погоди во последната акција за 29:29, а претходно погоди и Пешевски кој исто така постигна важен гол во ситуација кога Грците водеа со плус два во самата завршница.

Вториот пријателски натпревар меѓу Грција и Македонија се игра утре со почеток во 17:30 часот.