Македонија ЃП се раздели со тројца играчи, Филиповски стави крај на кариерата

Тимот на Македонија Ѓорче Петров го формира составот за новата сезона во која ќе игра во Европа и тоа во Конференциската лига.

Скопскиот прволигаш во текот на вчерашниот ден го промоцираше првото засилување во името на Христијан Пецов, додека нов договор потпиша Ермендин Адем со што им се приклучи на Кристијан Стојкоски, голманот Христијан Стевковски, Филип Мишевски како и на тренерот Муарем Бајрами.

Денеска „лавовите“ и соопштија на јавноста дека се разделуваат со тројца играчи Христијан Коцев, Трим Амбари и Љавдрим Фазлиу. Најинтересна е веста дека Кристијан Филиповски става крај на играчката кариера што дефинитивно е изненадување ако се земен во предвид дека има само 25 години.