Македонија ЃП промовираше три нови имиња (ФОТО)

Екипата на Македонија Ѓорче Петров ги засили своите редови со тројца нови играчи, а истите денеска беа официјално промовирани од прволигашот од западната скопска населба.

„Лавовите“ ги освежија своите редови со бразилските интернационалци Чарлстон Силва дос Сантос и Робсон Да Силва како и со Изет Ајрулаху. Стоперот Чарлстон доаѓа од редовите на Вардар, Робсон пак е повратник во Ѓорче откако изминативе неколку месеци беше дел од Беласица, додека Ајрулаху се приклучува на четата на Тасевски од второлигашот Скопје.

Македонија првиот дел од сезоната го заврши на третата позиција на табелата со 33 бодови.