Македонија Ѓорче Петров промовираше двајца напаѓачи

Македонскиот прволигаш Македонија Ѓорче Петров ги претстави најновите засилувања, играчи кои ја покриваат офанзивната линија.

Имено нови членови на скопскиот состав се Абу Камара и Кристијан Ивановски. Камара има 24 години и од Либерија, во досегашната кариера освен што бил дел од клубови од својата земја настапувал и во Лаос, Косово и Словенија.

Кога е во прашање Ивановски и тој има 24 година, во Ѓорче доаѓа од тимот на Кадино.

Претходно ѓорчепетровци ги потврдија трансферите на Лавдрим Фазлиу, Балша Бановиќ, браќата Филип и Кристијан Костовски и Филип Мишевски. Соработката пак ја продолжија Боби Божиновски, Ермедин Адем, Кристијан Филиповски, Самир Фазли и Есмин Личина.