Македонија ги дозна ривалите за квалификациите за ЕП во 2022 година (ФОТО)

Македонската ракометна репрезентација ги дозна противниците за квалификациите за пласман на Европското првенство кое во 2022 година ќе се одржи во Унгарија и Словачка.

Ние бевме во вториот шешир, а тоа значеше дека нема да можеме да се соочиме со Австрија, Белорусија, Португалија, Србија, Русија, Црна Гора и Холандија. Избраниците на Брестовац се најдоа во групата седум каде носител е Данска, а освен скандинавците наши ривали ќе бидат Швајцарија (трет шешир) и Финска (четврти шешир).

Новиот квалификациски циклус ќе стартува на 4 ноември, а ќе заврши на 2 мај 2021 година. Пласман на ЕП обезбедуваат првите две репрезентации од сите групи како и четирите најдобри третопласирани селекции.

Шампионатот во Словачка и Унгарија пак се игра од 13  до 30 јануари 2022 година.