Македонија доби скандинавски противници во претквалификациите за ЕП

Најсилната кошаркарска селекција на Македонија на полудиригираната ждрепка ги дозна останатите два противници во претквалификациската група за Еветското првенство, откако минатата седмица стана јасно дека сме дел од групата Д заедно со Словачка.

Денешната ждрепка во Минхен ни донесе уште два противници, а станува збор за две селекции од Скандинавија кои немаат некоја посебна традиција во кошарката како спорт.

Покрај Македонија и Словчка, во групата Д се најдоа и Данска и Норвешка, а квалификациите ќе ги започнеме до пресметка против Данците во месец август.

Првопласираната репрезентација од секоја од трите групи, плус Кипар како домаќин на Евробаскет 2025, ќе заработи место во квалификациите за Европското првенство во 2025 година.

Преостанатите тимови од второто коло од претквалификациите ќе имаат шанса заедно со екипите од првото коло на претквалификациите за Евробаскетот 2025, да се натпреваруваат за преостанатите четири места во квалификациите за еврошампионатот (дома и на гости во јули 2023 година), а извлекувањето на двојките за третото коло ќе се одржи по завршувањето на вториот круг.