Македонија атакува на нова победа, Ѓуроски порачува: Агресивната игра во одбрана ќе биде клучот

Македонија оствари клучна победа на домашен терен над Норвешка и продолжи со максимален ефект во својата група, но вечерва избранциите на Јончевски имаат нова задача и целта е да се продолжи славеничкото расположение со нов триумф над Данска.

Нашиот тим максимално ја неутрализираше Норвешка во напаѓачки план и со меч со малку поени оствари убедлива победа, а одбраната се очекува да биде на висина на задачата и вечерва во Гевгелија.

Стојан Ѓуроски како еден од најактивните и најдобрите во нашиот тим смета дека мечот со Норвешка е добар патоказ за тоа како треба тимот да се однесува на теренот, пред се во дефанзивните задачи кои смета дека ќе бидат одлучувачки за нова победа.

– Селекцијата на Данска е доста силна и доста е агресивна. Во таа насока гледано, ние ќе мора да им парираме со агресивна игра во одбраната.

– Се надевам дека исто како и на претходниот натпревар, оној со Норвешка, салата во Гевгелија ќе биде преполна, затоа што таа нивна поддршка ни значи премногу, особено во тешките моменти, кога работите не одат како што треба, – вели Ѓуроски.