Македонецот со прва кандидатура за гол на сезоната: Ристовски режираше мајсторија на „Максимир“ (Видео)

Стефан Ристовски е во голгетерска форма на стартот на новата натпреварувачка сезона, бидејќи откако беше спасител за Динамо на гостувањето кај Осијек со гол во 96-та минута, денеска повторно се запиша во листата на стрелците.

Поранешниот македонски капитен очигледно имал извонредни летни подготовки и се наоѓа во врвна форма во месец август, за што доказ е и денешниот мајсторски гол против Шибеник.

Десниот бек го отвори резултатот уште во 6-та минута, а според многумина експерти во Хрватска, ова е прв кандидат за гол на годината во ХНЛ лигата.

Причина за тоа е извонредната акција која ја изработија играчите на Динамо, но и спектакуларната завршница на Ристовски со удар од дистанца.

Погодокот на Стефан значително ја олесни работата за Динамо во првото полувреме, бидејќи набрзо по првиот гол, притигна и втор од Шпикиќ за водство од 2:0.

STEFAN RISTOVSKI WITH A GOAL OF THE SEASON SO FAR MAKES IT 1-0 FOR DINAMO!

After recieving a pass from Petković who got the assist, Ristovski fires the ball into the top left corner and scores his 2nd goal of the season, 2 in last 2. 🚨pic.twitter.com/0vFyMyUI9T

— 🇭🇷 (@TheCroatianLad) August 16, 2024