Македонецот човек на одлука: Крстовски му донесе победа на Домжале (ВИДЕО)

Македонскиот напаѓач, Марио Крстовски донесе голема и изненадувачка победа на Домжале над Копер во првата лига на Словенија.

Домаќините се при самиот врв на табелата и го имаа статусот на фаворити, но истиот не го оправдаа, а главниот виновник е нашиот Крстовски кој ги матираше во 74 минута.

Поранешниот младински репрезентативец на Македонија се најде на вистинското место и ја смести топката во мрежата на Копер за водство од 1-0, гол на крајот кој се покажа како пресуден за трите бода.

Ова за Марио беше трет сезонски погодок, втор во низа со оглед на тоа што во претходната рунда погоди во соочувањето со Марибор.