Македа за играчот кој е топ засилување за Наполи: Добро го познавам, ме изненади…

Наполи е најдобриот клуб во Италија во досегашниот тек на оваа сезона, тим кој оствари осум победи на единаесет натпревари или вкупно со 25 бода е лидер во Серија А.

За некого ова е изненадување со оглед на претходната катастрофална кампања на наполитанците, ама ова е нова година со нов тренер во името на Антонио Конте кој повлече неколку потези во летниот преоден рок од кое едно дефинитивно се издвојува-Скот Мектоминеј.

Шкотот пристигна од редовите на Манчестер Јунајтед и експресно се снајде во Калчото, нешто што за Федерико Македа не е изненадување.

-Го запознав Скот кога беше мал. Јас бев во првиот, а тој во младинскиот тим, добро го познавам. Тој е момче кое многу порасна. Дури и во тешките години во Јунајтед, тбеше еден од ретките што имаше значајно влијание. Неговото заминување од Манчестер ме изненади, но Наполи доби многу добро засилување. Среќен сум за него и за италијанскиот фудбал, -порача Македа за „Тутомеркатовеб“.