Макаби во следната сезона на две адреси, a салата е речиси распродадена

Израелскиот Макаби од Тел Авив и во следната сезона своите натпревари во Евролигата ќе ги игра во главниот град на Србија, Белград.

Заедно со натпреварувањето во елитната „Гордоста на Израел“ ќе се натпреварува и во националниот шампионат, а таму ќе биде домаќин во својата „Менор Мивтаким Арена“.

И покрај тоа што нема да можат да го бодрат својот тим во Евролигата, навивачите на Макаби веќе купија 9.150 сезонски билети, кои ќе ги користат во домашното првенство, што е 90 отсто од капацитетот на салата во која ќе настапат.

Импозанта бројка, особено ако се земе предвид ситуацијата во државата.