Мак-баскет: Магдевски се врати во МЗТ, Соколов го засили Гостивар

МЗТ Скопје повторно влегува како главен фаворит за титулата во новата сезона во македонската кошаркар, па така клубот од Аеродром денеска го збогати својот ростер и со десеттиот играч.

„Металците“ информираа дека Андреј Магдевски се враќа во Аеродром и ќе биде дополнително засилување за плејмејкерската позицја, што всушност ќе биде трето искуство за искусниот кошаркар во редовите на МЗТ.

Магдевски најпрво настапуваше за првиот тим од 2018-та до 2021-ва година, потоа се врати и во 2022-ра година, за сега да ја почне и третата етапа во клубот.

Кога е во прашање раздвиженоста на мак-сцената, ново засилување за сезоната која претстои потврди и Гостивар, клуб кој исто така ангажираше искусно и добро познато име.

Гостивар информираше дека ново засилување за тимот е долгогодишниот репрезентативец и искусен бек, Дарко Соколов.