„Мајсторката“ без драма: Партизан го преслуша Студентски Центар и се пласираше во полуфиналето

Партизан го компромитираше својот настап во полуфиналето на АБА лигата со шокантниот пораз кој го претрпе од Студентски Центар пред една седмица, а откако доста доло се мачеше и на гостувањето, вечерва конечно покажа дека е за класа подобар тим од ривалот.

„Црно-белите“ израмнија на 1:1 со 79:81 и се изборија за „мајсторка“, на која денеска не му дадоа никаква шанса на противникот и остварија висока победа од речиси 30 поени разлика.

Момците на Жељко Обрадовиќ славеа со 112:83 и го заверија својот пласман меѓу четирите најдбори во регионалното натпреварување, а оправдувањето на фаворитската улога им носи полуфинале со Цедевита Олимпија.

Нанали и Ледеј беа лидери во денешниот триуф на белградскиот великан со 17 и 14 поени, а одлични беа и Лесор и Мадар со 13 и 12 поени.

Во второто полуфинале, силите ги одмеруваат Црвена Звезда и Будуќност, каде големиот фаворит во „црвено-бело“ веќе води со 1:0.