Мајсторијата на Винисиус изгледа уште подобро снимена од трибината на „Бернабеу“ (Видео)

Реал Мадрид си ја одработи својата задача на домашен терен и оствари победа над Рајо Валјекано во малото градско дерби, натпревар на кој најрасположен играч во редовите на „кралскиот клуб“ беше Винисиус Жуниор.

Бразилецот беше навистина загреан и претставуваше константна опасност за дефанзивците на Рајо, кои едноставно излегоа и смешни во акцијата во која Вини постигна гол.

Крилниот напаѓач изгледаше предоминантно во дадената ситуација и дури во два наврати се одлучи за соло-акција, а во вториот обид беше неверојатно успешен.

Мајсторијата на Винисиус ги крена на нозе сите присутни на „Сантијаго Бернабеу“, но еден фан долови како изгледала неговата мајсторија видена од трибините.

Соло-бравурата на Вини навистина изгледа уште подобро снимена од аголот во кој ги изведуваше минијатурите, па видеото стана достапно за сите благодарение на социјалните мрежи.

Vinicius Jr’s goal is even better from the stands . pic.twitter.com/quJ9yBNvGf

— KM (@Kylian) March 9, 2025