Мајсторијата на Унал го одбележа последниот меч од 16. коло во Премиер лигата (ВИДЕО)

Борнмут и Вест Хем одиграа без победник 1-1 во завршниот натпревар од 16. коло во англиската Премиер лига.

Домаќините важеа за фаворити на хартија по квалитетните настапи и победите над екипи како Манчестер Сити, Арсенал и Тотенхем, но иако упатија скоро 30 удари (29) на крајот мораа да се задоволат со реми, бод кој го обезбедија со ремек делото на Унал во 90 минута.

Турскиот интернационалец кој влезе во игра во 80 минута изведе мајсторски прецизен слободен удар со кој го постави конечниот резултат на „Виталити“.

Претходно „чеканите“ дојдоа во водство со голот од пенал на Пакета во 87 минута.