Мајстории на офанзивецот: Како Ројс дојде до 150 голови во Бундеслигата (ВИДЕО)

Марко Ројс е едно од заштитните лица на Бундеслигата во изминативе 15 години, играч кој тргна со Борусија Менхенгладбах по што со добрите партии си обезбеди преселба во Борусија Дормтунд, клуб во кој е од 2012 година.

И додека се чека конечен збор, одлука околу тоа дали Марко ќе остане на „Сигнал Идуна Парк“ (му завршува договорот) тој на средбата против Келн даде два гола со што дојде до бројката од 150 во Бундеслигата.

Тој 36 ги даде во дресот на Менхенгладбах, а останатите 114 во „црно-жолтиот“ на „милионерите“. Сите негови мајстории беа спакувани во едно видео, па во продолжение можете да уживате во сите негови погодоци во Германија.