Мајстории на Бруно и Гарначо, Ван Нистелрој се одјави со нова победа (Видео)

Руд Ван Нистерлој денеска ја заврши својата задача како привремен менаџер на Манчестер Јунајтед, а истата ќе остане во позитивно сеќавање меѓу фановите поради ефектот кој го имаше тимот под негово водство.

На четири одиграни натпревари, тимот забележа три победи и едно реми, од кои два триумфи дојдоа во дуели со екипата на Лестер.

Легендарниот напаѓач нависитна позитивно влијаеше врз тимот и денеска добивме уште една потврда за тоа, бидејќи по победата во Лига Купот, Јунајтед попладнево го преслуша Лестер и во Премиер лигата.

Раниот гол на Бруно Фернандеш беше најава за едносмерниот меч кој го гледавме на „Олд Трафорд“, а несреќниот гол на Кристенсен пред паузата значително ги закомплицира работите за гостите.

Во вториот дел, Јунајтед диктираше без некоја преголема иницијатива, но пресудниот момент пристигна во 82-та минута кога Гарначо на маестрален начин погоди за конечни 3:0.

Видеото погледнете го ТУКА