Мајката на Рабио: Јувентус никогаш не бил опција

Адријан Рабио реши да се раздели со Јувентус по завршувањето на договорот со италијанскиот клуб, но иако слободен агент, досега нема пронајдено нов ангажман и останува без клуб.

Последните денови се појавија шпекулации дека Рабио може да се врати во редовите на „бјанконерите“, па тоа мораше да го демантира и тренерот Тиаго Мота, кој потенцирал дека не добил повик од Французинот и нема никаква промена на неговата ситуација.

Новинарите на „Лекип“ стапиле во контакт со Вероник Рабио, мајката и агент на францускиот репрезентативец, која исто така самоуверено истакнала дека не планираат да се премислат за донесената одлука.

– Нема потреба некој да ни ја затвора вратата, бидејќи враќањето во Јувентус никогаш не било опција за која сме размислувале.

– Кога носиме одлуки, преземаме одговорност за нив, – рекла мајката на Рабио.

Медиумите тврдат дека најголем проблем за Французинот е неговата висока плата, односно желбата да заработува по речиси 10 милиони евра по сезона.