Магнусен доби несекојдневна суспензија и ќе ја пропушти Ф1 трката во Азербејџан

Денешната Формула 1 трка во Монца донесе победа за Шарл Леклер од редовите на Ферари, но случувањата на патеката најавија историски момент за шампионатот.

Кевин Магнусен заработи казна од 10 секунди и 2 казнени поени на лиценцата, со што ќе стане прв возач во историјата кој ја исполнил квотата од 12 казнени поени и поради тоа ќе добие суспензија на една трка.

Возачот на Хас ја исполни квотата со денешните поени и сега ќе ја пропушти трката во Азербејџан, а Хас дополнително ќе потврди кој ќе му биде тимски колега на Нико Хулкенберг во Баку.

За да биде поинтересно, Магнусен на денешната трка го освои десеттото место и освои поен за својот тим.

Данецот е прв возач кој добил ваква казна уште од Роман Грожан во 2012 година.