Поврзете се со нас

Билијард и Снукер

„Магионичарот“ блескаше во „Маршал Арена“: Максимален брејк на Марфи по четири години (Видео)

Објавено

на

blank

Шон Марфи имаше експлозивен почеток во квалификациите за снукер Мастерсот во Германија, добивајќи го дуелот од првото коло со вклучен максимален брејк.

„Магионичарот“ го победи Чен Зифан со 5:0 во фрејмови, а во вториот фрејм обезбеди максимален брејк од 147 поени, успевајќи да ги воодушеви снукер фановите со начинот на кој го оствари најпосакуваниот начин да се добие еден фрејм.

Марфи последен пат врза 147 поени во 2016 година, а за него ова е шести максимален брејк во кариерата, со што се израмни со Стјуарт Бингам и Динг Јунхуи.

Пред нив остануваат само Џон Хигинс и Стивен Хендри со 11, односно Рони О’Саливен со 15 максимални брејкови.

Со денешниот успех, Марфи веројатно ќе ги заработи и дополнителните 5000 евра најавени како фонд за максимален брејк на квалификацискиот турнир. Дуелите од двете квалификациски кола се играат во Милтон Кејнс, за Мастерсот со 32 најдобри играчи да се одржи во Берлин кон крајот на јануари следната година.

Минатата година победник беше Џад Трамп, кој ќе го брани трофејот, а на Мастерсот нема да учествува Рони О’Саливен.

Реклама
Реклама
Реклама

Популарни