Поврзете се со нас

Германија

Магија на рурското дерби: Халанд постига ремек-дело во стилот на Ибрахимовиќ (Видео)

Објавено

на

blank

Рурското дерби меѓу Шалке 04 и Борусија Дортмунд го нема потребниот интензитет и очекуваната неизвесност како и обично, од едноставна причина што тимот од „Фелтинс арена“ игра очаја сезона и е се поблиску до испаѓање во втора лига.

Добар предуслов за такво сценарио е и денешниот натпреварот против големиот и лут ривал, кој буквално се прошета во Гелзенкирхен и ја наполни до врв мрежата на Лангер кој го замени Фарман во првото полувреме.

„Милионерите“ го најавија распадот на домашниот тим пред крајот на првиот дел, кога најпрво Санчо погоди за 0:1, а во 45-та минута истиот играч асистираше до неверојатниот Ерлинг Халанд кој најверојатно го постигна најубавиот гол во својата кариера.

Во стилот на својот голем идол Златан Ибрахимовиќ, Халанд со карате удар ја смести топката во противничката мрежа и ги воодушеви своите соиграчи и фановите на Борусија, што секако беше најава за лесна победа во дербито.

Второто полувреме одново беше едносмерно и покрај тоа што Шалке имаше повеќе испратени удари, бидејќи гостите беа далеку поефектни, па преку Гереиро погодија за 0:3, а Халанд немаше потешкотии да го постигне и вториот гол во 79-та минута по додавањето од Белингем.

Реклама
Реклама
Реклама

Популарни