Магија на Грузиецот: Карате-приемот на Кварацхелија е топ тема во фудбалска Франција (Видео)

Квича Кварацхелија се одлучи за огромна промена на средина на сезоната и го замени Наполи со ПСЖ, тим во кој полека почнува да се адаптира на најдобар можен начин.

Грузиецот мораше да биде малку трпелив пред да стане редовен стартер во составот на Луис Енрике, но во последно време е еден од најдобрите во неговиот тим, нешто што беше и очекувано со оглед на потенцијалот кој го поседува.

Поради тоа што реваншот со Ливерпул во Лигата на шампиони се игра утре, Квича доби поштеда против Брест и имаше шанса за игра само во завршниацата, но 20-тина минути беа доволни за да режира една магија која стана вирална во Франција.

Кварацхелија приреди сензациоанелен карате-прием и ја покажа својата класа во една навистина тешка ситуација, па неговиот потег брзо стана топ тема во Франција.

Лига 1 подготви специјално видео за да ја долови генијалноста на Грузиецот, а огромно внимание привлекуваат и фотографиите од фоторепортерите кои биле на таа страна од теренот.

You all saw that Kvaratskhelia viral control picture 👟⚽️

So, here’s the video 🇬🇪🎥 pic.twitter.com/mJh1Rt4og9

— Ligue 1 English (@Ligue1_ENG) March 9, 2025

🔥 Enjoying your football weekend?

📸 Amazing airborne ball control by Khvicha Kvaratskhelia for PSG last night (@PSG_inside) pic.twitter.com/QPtkkRdhTr

— Football Rankings (@FootRankings) March 9, 2025