Магија каква ретко се гледа: Гризман се сврте 360 степени и постигна несекојдневен гол (Видео)

Атлетико Мадрид се разигра во последно време и оваа вечер ја потврди нагорната форма со седма победа во низа, но што е уште поважно, избраниците на Чоло Симеоне на втор натпревар по ред покажаа дека се голгетерски расположени.

Откако постигнаа шест гола во мрежата на Спарта Прага, фудбалерите од шпанската престолнина беа немилосрдни на гостувањето кај Валјадолид, тим кој е последен на табелата во Ла Лига.

„Душекџиите“ постигнаа пет гола во мрежата на домаќинот и остварија победа од 0:5, а по овој триумф сега имаа само два бода помалку од Барселона.

Серијата голови ја отвори Ленгле, продолжија Алварез и Де Паул, но доминацијата на Атлетико во првото полувреме беше изразена и со два поништени гола кои не беа впишани во семафорот.

Сепак, Атлетико успеа да постигне уште два на регуларен начин и да се избори за триумф од 0:5, а стрелци на погодоците беа Гризман и Серлот.

Посебно импресивен беше оној кој го постигна искусниот Французин, бидејќи Гризман режираше фудбалска магија со вртење од 360 степени пред да ја затресе мрежата на противникот.

Магијата на Гризман погледнете ја ТУКА

Повторена снимка од ремек-делото погледнете ТУКА