Маестро Никола во акција: Јокиќ со брутална партија и страшно додавање за победа ги замолкна Клиперси (Видео)

Денвер оствари драматична и тесна победа над Лос Анџелес Клиперс по одиграно продлжение, а во главна улога повторно беше сензационалниот Никола Јокиќ кој игра во МВП форма и оваа сезона.

Фантастичниот Србин понуди страшна партија против Клиперси и покрај тоа што најчесто беше удвојуван од противниците, но ниту тоа не го спречи да постигне 49 поени, но и да комплетира трипл-дабл со последниот извонреден потег на мечот.

Јокиќ режираше страшно додавање за победа при резултат 127:127 и со тоа стигна до трипл-дабл учинок од 49 поени, 14 скокови и точно 10 асистенции, што беше и клучно за Денвер да оствари победа од 130:128 над силниот противник.

Големото воодушевување од партијата на Јокиќ не го криеше тренерот Мелоун, кој едноставно не гледа конкуренција за Србинот во НБА лигата во овој момент.

– Ако Никола Јокиќ не е МВП, не знам кој треба да е? Не знам дали сте свесни, но тој добива неверојатно внимание од противниците. Постојано го удвојуваат, овојпат околу него имаше и по тројца играчи, но тој и во таква ситуација постигна 49 поени, – изјави Мелоун.

AARON GORDON GIVES THE @nuggets THE WIN 🔥

Nikola Jokic picks up the triple-double on the cross-court pass to give Denver the OT win! pic.twitter.com/AHJIMHKWbc

— NBA (@NBA) January 20, 2022

JOKIC CROSS-COURT TO GORDON YOU KIDDING ME pic.twitter.com/uZLKiZF79k

— Rob Perez (@WorldWideWob) January 20, 2022

НБА резултати:

Филаделфија – Орландо 123:110
Вашингтон – Бруклин 118:119
Атланта – Минесота 134:122
Бостон – Шарлот 102:111
Мајами – Портланд 104:92
Чикаго – Кливленд 117:104
Милвоки – Мемфис 126:114
Далас – Торонто 102:98
Сан Антонио – Оклахома 118:96
Јута – Хјустон 111:116
Денвер – ЛА Клиперс 130:128
Сакраменто – Детроит 131:133
ЛА Лејкерс – Индијана 104:111