Маестро Лазаров се најде и во дрим-тимот на квалификациите за ЕП (ВИДЕО)

Македонија со две победи над Финска и Швајцарија ги започна квалификациите за Европското првенство во 2022 година, победи во кои најдобар наш играч беше кој друг ако не капитенот Кирил Лазаров.

Лазаров испорача 11 гола во мрежата на Финците во Скопје, додека со „шестка“ ги „поздрави“ Швајцарците во Шафхаузен. Поради ова членот на Нант беше прогласен за МВП на 1 и 2 коло од квалификациите, но ова не е единственото признание за Кире од страна на ЕХФ со оглед на тоа што тој се најде и во идеалниот состав.

Нашиот ас беше именуван за најдобар десен бек, а идеалниот состав освен него се најдоа голманот Миклер од Унгарија, левото крило Стирмисон од Исланд, левиот бек Гранлунд (Финска), потоа Швајцарецот Шмид (среден бек), Фокин од Русија (десно крило) и Грбовиќ од Црна Гора кој беше именуван за број еден крилен напаѓач.