Маестро Дибала му пресуди на Порто, цела Италија посакува „бомба“ во осминафиналето (Видео)

Рома успеа да ја мине бараж рундата во Лигата на Европа и се пласираше во осминафиналето на второто по ранг европско натпреварување, откако вечерва се справи со Порто на домашен терен во меч кој не почна баш најдобро за „волчицата“.

По воведните 1:1 од „Драгао“, Порто вечерва прв постигна гол во италијанската престолнина, а „ножичките“ на Саму се покажаа како момент кој посебно го мотивираше Пауло Дибала.

Аргентинецот одигра величествен меч на „Олимпико“ и со два погодоци направи пресврт уште до полувреме, па се чини дека неговиот блесок беше пресуден за да се нокаутира Порто.

Гостите имаа дополнителен проблем по црвениот картон кој го доби Еустакио, по што точка на победата и пласманот во осминафиналето стави Писили со голот за 3:1.

Во судиското продолжение, Порто се погрижи за подостоен пораз од 3:2, но истиот не можеше да спречи елиминација од Лигата на Европа.

Со вкупни 4:3 Рома патува во осминафиналето, а цела Италија посакува да се падне со Лацио, бидејќи градскиот ривал е еден до двата потенцијални ривали на „волчицата“ во оваа фаза (вториот е Атлетик Билбао).

Головите погледнете ги ТУКА