Поврзете се со нас

Европски купови

Маџовски: Ни треба една победа да ни се врати самодовербата, веруваме во триумф над Тримо

Објавено

на

blank

Ракометарите на Еурофарм Пелистер во вторник ги очекува нова средба од Лигата на Европа и тоа онаа возвратната против составот на Тримо Требње.

Клубот од Битола загуби во Словенија со 28-24, па се сега избраниците на Жељко Бабиќ имаат дополнителна мотивација за реванш, победа која ќе значи прва за тимот во ова натпреварување.

-Можам да ви кажам дека во Словенија одигравме еден од нашите најслаби натпревари. Иако создававме позиции и шанси, имавме голем проблем со реализацијата. Противникот не нè изненади со ништо од тоа што го подготвувавме, па дури и можам да кажам дека го спречивме нивното најсилно оружје – транзиција и брзата игра. Сепак, со тринаесет промашени зицери, тешко се добива натпревар.

-И минатата, а и оваа сезона се соочуваме што и на добиени натпревари, не ги освојуваме бодовите. Веруваме дека и тоа ќе го надминеме. Го оставаме последниот натпревар зад нас, се спремаме и во вторник се надеваме дека ќе излеземе како победници.
-Ни треба една победа да се крене екипата, да ја врати самодовербата. Иако можам да кажам дека атмосферата е добра во клубот, тренираме и се спремаме одлично, но ни треба таа една победа да ја вратиме самодовербата, – истакна македонскиот репрезентативец Бојан Маџовски.
Средбата во Битола се игра утре во вечерниот термин од 20:45 часот.
Реклама
Реклама
Реклама

Популарни