Лунин испиша историја со асистенцијата, медиумите ја искористија за да го истролаат Мбапе

Реал Мадрид вчера постигна четири погодоци во дуелот со Осасуна, но Килијан Мбапе повторно не се запиша во листата на стрелци, а не успеа да запише ниту една асистенција во убедливиот триумф.

Медиумите внимателно ги следат сите статистички показатели поврзани со големата ѕвезда, а тоа го направија и по вчерашниот натпревар во Ла Лига, при што искористија еден несекојдневен момент за да го истролаат Французинот.

Асистенцијата за голот на Винисиус беше прва во кариерата на голманот Андриј Лунин, а шпанските медиуми истакнуваат дека резервниот голман на Реал сега е израмнет според бројот на асистенции со Мбапе.

Истото важи и за Родриго, но Бразилецот сезонава има многу помалку минути во однос на Мбапе и не може да се споредува со големото засилување од редовите на ПСЖ.

Лунин пак стана прв голман на Реал Мадрид кој испорачал асистенција во 21. век.